Beygingarlýsing íslensks nútímamáls

http://hdl.handle.net/20.500.12537/5

Beygingarlýsing íslensks nútímamáls (BÍN) er safn beygingardæma sem birt eru í heild á vefsíðu Stofnunar Árna Magnússonar í íslenskum fræðum. Í BÍN eru nú 294.154 uppflettiorð.

BÍN er hægt að nota á tvo mismunandi vegu

Leita. Bæði er hægt að leita að uppflettiorðum (lemmum) og beygingarmyndum.
Sækja. Hægt er að sækja tvær mismunandi gerðir BÍN, hvora um sig á tvenns konar mismunandi sniði (CSV og SQL). Áður en BÍN er sótt verður að samþykkja sérstaka leyfisskilmála.

Vísað er í BÍN á eftirfarandi hátt: Beygingarlýsing íslensks nútímamáls. (E.d.) Kristín Bjarnadóttir, ritstjóri. Stofnun Árna Magnússonar í íslenskum fræðum. Sótt ddmmáááá á bin.arnastofnun.is.

Um BÍN

Upphaflegur tilgangur með BÍN var að semja íslenska beygingarlýsingu til nota í máltækni, orðabókargerð og málfræðirannsóknum. Frá upphafi var líka ráðgert að útbúa sérstaka vefútgáfu ætlaða almenningi. Vinna við verkið hófst árið 2002.

Frekari upplýsingar um verkið er að finna á heimasíðu þess.

Samband

Kristín Bjarnadóttir, ritstjóri
Rannsóknadósent emeritus
Stofnun Árna Magnússonar í íslenskum fræðum
Netfang: kristinb@hi.is

CLARIN ERIC

CLARIN ERIC er rannsóknarinnviðaverkefni á vegum Evrópusambandsins – CLARIN stendur fyrir „Common Language Resources and Technology Infrastructure“ og ERIC stendur fyrir „European Research Infrastructure Consortium“. Samþykktir CLARIN ERIC hafa verið staðfestar af Framkvæmdastjórn Evrópusambandsins.

Meginmarkmið CLARIN ERIC er að öll stafræn málföng (language resources) og búnaður frá allri Evrópu (og víðar) verði aðgengileg með einni innskráningu (single sign-on) á netið, til nota í rannsóknum í hug- og félagsvísindum og innan máltækni.

CLARIN-IS

Ísland fékk aðild að CLARIN ERIC 1. febrúar 2020 en hafði verið áheyrnaraðili (observer) frá 1. nóvember 2018. Mennta- og menningarmálaráðuneytið fól Stofnun Árna Magnússonar í íslenskum fræðum að vera leiðandi aðili (leading partner) í landshópi (national consortium) Íslands í verkefninu og tilnefndi Eirík Rögnvaldsson prófessor emeritus sem landsfulltrúa (national coordinator). Þann 1. október 2021 tók Starkaður Barkarson, verkefnastjóri á Árnastofnun, við stöðu landsfulltúra. Flestar stofnanir sem málið varðar taka þátt í landshópi CLARIN-IS.

Árnastofnun rak fyrstu árin lýsigagnamiðstöð (CLARIN C-centre) en var aŕið 2023 samþykkt sem tæknileg þjónustumiðstöð (Service Providing Centre, CLARIN B-centre) þangað sem unnt er að sækja ákveðna þjónustu og fá aðgang að gögnum og þekkingu.